LA CSI SOFITA Y LLAMA A LA PARTICIPACIÓN NA CONCENTRACIÓN D’ESTI MARTES EN XIXÓN EN SOLIDARIDÁ CON PALESTINA Y YEMEN

Dende la Corriente Sindical d’Izquierda llamamos a participar na concentración convocada pol Comité de Solidaridá cola Causa Árabe esti martes, día 30, a les 7 la tarde na xixonesa Plaza’l Parchís.

El motivu d’esta convocatoria ye pidir la lliberación inmediata d’Ahed Tamimi, una palestina menor d’edá símbolu de la resistencia escontra la ocupación israelí, y del restu de les y los 483 menores d’edá que tan nes prisiones israelíes, acusaes la mayor parte d’ataques a tropes d’ocupación, y que son sometíes a tortures físiques y sicolóxiques, recibiendo en munchos casos amenaces personales y a les sos families si nun acceden a convertise en delatores de les Fuerces de seguridá y militares israelíes.

DENDE LA CSI SOLIDARIDÁ COLA XENTE HONDUREÑA

La CSI conderga enérxicamente la suspensión de les garantíes constitucionales decretada’l 1 d’avientu nel marcu del procesu ellectoral pol Presidente Juan Orlando Hernández, que afita’l toque de queda, prohíbe la llibre circulación de les persones, afita’l control sobre los medios de comunicación y llexítima a les fuerces de seguridá pa exercer la violencia escontra la población. Ello ye, da llibertá pa matar.

La suspensión de garantíes restrine y vulnera de forma arbitraria drechos democráticos fundamentales de les y  los hondureños, particularmente’l drechu a la protesta, col oxetivu d’acallar, inhibir y reprimir les masives manifestaciones desendolcaes en tou’l país énte les patentes inregularidaes del procesu ellectoral pa imponer la reellección del actual presidente JOH.

¡¡¡ALERTA!!! Vuelu de deportación a Colombia 14/06/2017

Confirmamos que’l MIÉRCOLES 14 DE XUNU habrá un vuelu de deportación con destín Colombia. Anque les redaes van dase perdayuri en tol Estáu, el vuelu saldrá de Madrid.

Esta alerta nun tién por oxetivu atemorizar a la población, sinon al contrario, apurrir información a tolos vecinos y vecines pa que puedan actuar y organizase coleutivamente, por exemplu, denunciando intensamente les redaes policiales de les que seyan testigos (pues suelen faceles nel espaciu públicu y nos medios de tresporte), intensificando la campaña a les compañíes que faen los vuelos (hasta hai poco Air Europa y dende hai unos meses Air Nostrum, Orbest y Evelop), desplegando redes de cuidáu ente les vecines y vecinos, espardiendo esti mensaxe nes redes sociales, imprimiendo’l cartelu pa facer pegadielles pal metro, paraes de bus…

LA CSI SOLIDARÍZASE COLES PRESES Y PRESOS PALESTINOS QUE CUMPLEN UN MES EN FUELGA FAME

La CSI pide a la Comunidá internacional que sofite a les y los 1600 presos palestinos en cárceles israelines en fuelga fame por “llibertá y dignidá” dende’l 17 d’abril.

Les y los prisioneros políticos tán reclamando accesu dafechu a atención médica, fin a les situaciones d’abusu de los sos derechos, un aumentu na cantidá y duración de les visites familiares, accesu a asesoramientu xurídicu, asuntos cubiertos por lleis internacionales sobre derechos humanos. Les y los fuelguistes demanden tamién accesu a tribunales de xusticia y que se ponga fin al confinamientu solitariu y alministrativu.

Les cárceles israelines abelluguen a más de 6500 preses y presos políticos palestinos, incluyendo 300 neños, 70 son neñes, y más de 500 prisioneres y prisioneros tán baxo detención alministrativa. Asinamesmo, alrodiu 900 sufren enfermedaes físiques cróniques y tienen necesidá de tratamientu médicu urxente.

LA CSI SOFITA L’ACTIVIDÁ DEL SÁBADU 3 NA PLAZA LA HABANA EN XIXÓN EN TRIBUTU AL LLÍDER DE LA REVOLUCIÓN CUBANA

La CSI saluda al pueblu cubanu que en cantidá masiva tá despidiendo estos díes al que fuere’l so presidente de la Soberanía, y artífice d’innumberables llogros internacionalistes de la República de Cuba, y fáese ecu de movimientos populares de Llatinoamérica que, como’l MST de Brasil, reconocen l’aporte inestimable de FIDEL al fortalecimientu de llazos, rebeldíes y suaños en tou’l continente:

“Construyeron una sociedá que busca intensamente la igualdá de derechos y oportunidaes ente toles persones. Derrotaron la ignorancia y tresformáronse nel país de mayor índiz d’escolaridá del mundu. Producieron medicina preventiva, humanitaria y solidaria que unvió más de 60 mil médicos y médiques a casi tolos países del mundu, superando a tolos países y organismos internacionales xuntos. Y mos unviaron 14 mil médicos y médiques pa que 44 millones de brasileños y brasileñes pudieren conocer por primer vegada atención médica preventiva y de calidá.

LUCIANO ROMERO MOLINA ¡PRESENTE!

Esti añu cúmplese’l Décimu aniversariu del asesinatu de Luciano Romero.

El mesmu día, amás d’aniversariu del Golpe Militar en Chile y de la Diada en Catalunya, ye’l aniversariu décimu del asesinatu del sindicalista despedíu de Nestlé Luciano Romero Molina, que tuvo acoyíu pol Programa Asturianu d’Atención a Víctimes de la violencia en Colombia y foi asesináu un 11 de setiembre na ciudá de Valledupar.

LUCIANO ROMERO MOLINA ¡PRESENTE!

Ente’l 10 y el 11 de setiembre de 2005, foi brutalmente torturáu y asesináu Luciano Enrique Romero Molina, miembru del Sindicato Nacional de Trabajadores del Sistema Agroalimentario – SINALTRAINAL en Valledupar, defensor de derechos humanos, venceyáu a la Fundación Comité de Solidaridad con los Presos Políticos.

N’abril del 2010 asesinaron a Henry Ramirez Daza, sindicalista de la industria de bébores, que tamién tuviera abellugáu n’Asturies.

Luciano Romero Molina y Henry Martínez ¡presentes!

CSI Internacionalistes solidarízase col pueblu combativu mexicanu

CSI-Internacionalistes solidarizámonos col pueblu combativu de México, amestáu na Asamblea Nacional Popular y de la mano del movimiento maxisterial disidente, ente otros coleutivos en llucha como les CRAC-PC, el FPDT, etc…que enfrenten l’exerciciu del terrorismu d’Estáu na so férrea defensa por desixir la llibertá de tolos presos y preses polítiques del país; la revocación de les reformes estructurales – como la educativa-; la refuga del gobiernu actual d’Enrique Peña Nieto- destacáu desde la so llegada a la presidencia por represor, corruptu y traidor a la constitución mexicana- al nun representar los intereses del pueblu al que tendría que servir- ; la recuperación del sentíu social de la Constitución, asina como la presentación con vida y l’esclarecimientu de los fechos y depuración de les responsabilidaes alrodiu l’asesinatu y la desapaición de los estudiantes normalistes d’Ayotzinapa.

La CSI refuga la represión a los xornaleros en San Quintín, Baxa California, México

La situación de los xornaleros del Valle San Quintín en Baxa California (México), llevaba siendo, dende va meses, una bomba de tiempu que podía aicionase en cualiquier intre. Y españó nuna fuelga’l 17 marzu.

Dende ochobre los trabayadores del campu, al traviés de l’Alianza d’Organizaciones Nacional, Estatal y Municipal pola Xusticia Social, fixeron llegar un pliegu pidimientos al Gobernador de Baxa California, nel que se recoyía l’aumentu’l salariu de 6 a 18 euros, afiliación a la Seguridá Social, respetar el día descansu y vacaciones.

Pasucais contra’l Racismu y la Xenofobia.

Sábadu 14 de febreru, a les 12 hrs. Dende Plaza l’Humedal (Xixón)

El pasáu 14 de Xineru’l Gobiernu español asoleyó l’anunciu de la nueva llicitación del contratu relativu a los vuelos de deportación de migrantes.

El títulu escoyíu foi sumamente eufemísticu: “Servicios de tresporte aéreu pal treslláu de pasaxeros ente dellos puntos del territoriu nacional y dende éstos a otros países”. Tres estes aséptices pallabres, que bien podríen corresponder a viaxes de placer financiaos pol Estáu, trata de pasar desapercibíu un gastu públicu y un negociu de casi 12 millones d’euros -11.985.600 esactamente- pa la realización de vuelos esclusivamente dedicaos a la deportación forzosa de miles de persones.

Pa llevalos a cau pónse a furrular una amplia maquinaria policial destinada a prindar a migrantes mediante criterios “raciales” y a escoltalos al traviés de dispositivos nos que se exerce una sistemática y planificada violencia.